Беларусь-Данія
Дыпламатычныя адносіны паміж Рэспублікай Беларусь і Каралеўствам Данія ўстаноўлены ў лютым 1992 года. У 2022 годзе нашы краіны адзначаюць 30-годдзе гэтай значнай даты.
Пасол Рэспублікі Беларусь у Швецыі быў акрэдытаваны па сумяшчальніцтву ў Каралеўстве Данія. Пасол Даніі ў Расійскай Федэрацыі акрэдытаваны па сумяшчальніцтву ў Рэспубліцы Беларусь.
У снежні 1995 г. Данія ратыфікавала Пагадненне аб партнёрстве і супрацоўніцтве паміж Беларуссю і ЕС.
У 90-х гадах ажыццяўляўся дыялог на ўзроўні кіраўніцтва знешнепалітычных ведамстваў Беларусі і Даніі. У лістападзе 1994 г. адбыўся візіт у Беларусь міністра замежных спраў Даніі. У лютым 1997 г. Мiнiстр замежных спраў Беларусі нанёс візіт у адказ у Данію.
У 2008-2009 гг. адбыліся дзве двухбаковыя сустрэчы міністраў замежных спраў Беларусі і Даніі — Мартынава С.М. і П.С. Мелер — у рамках мерапрыемстваў СМЗС АБСЕ ў г. Хельсінкі (снежань 2008 г.) і г. Афіны (снежань 2009 г.).
У 2009-2010 гг. прайшлі тры раўнды кансультацый паміж МЗС на ўзроўні намесніка міністра замежных спраў Варанецкага В.І. і Дзяржаўнага сакратара МЗС Даніі М.Сильмер-Ёнс (29 студзеня 2009 года — у г. Мінску, 20 кастрычніка 2009 года — у г. Капенгагене, 1 кастрычніка 2010 года — у г. Мінску).
Міжпарламенцкі дыялог з Даніяй ажыццяўляецца на двухбаковай аснове і ў рамках міжнародных парламенцкіх структур (ПА АБСЕ, МПС, ПКБМ).
Па запрашэнні спікера парламента Даніі Т.Педерсена намеснік Старшыні Пастаяннай камісіі Палаты прадстаўнікоў Нацыянальнага сходу Рэспублікі Беларусь па дзяржаўным будаўніцтве, мясцовым самакіраванні і рэгламенце Орда М.С. прыняў удзел у працы 18-й Парламенцкай канферэнцыі Балтыйскага мора (30 жніўня-1 верасня 2009, г. Нюборг, Данія).
7-8 верасня 2010 г. адбыўся візіт у Беларусь парламенцкай дэлегацыі Даніі на чале са старшынёй камітэта па знешняй палітыцы Парламента Даніі Я.К. Ханс.
У 2012-2014 гг. у сувязі з закрыццём дыпламатычнага прадстаўніцтва Беларусі ў г. Стакгольме (Швецыя), які курыруе таксама ўзаемаадносіны з Даніяй, двухбаковыя беларуска-дацкія адносіны не атрымлівалі належнага развіцця.
Новы імпульс быў нададзены правядзеннем ў 2014 годзе акрэдытацыйных мерапрыемстваў для амбасадараў абедзвюх краін.
26 лютага 2014 г. пасол Даніі Т.Винклер ўручыў копіі даверчых грамат намесніку Міністра замежных спраў Рэспублікі Беларусь Купчыной Е.Н. Арыгіналы даверчых грамат Прэзідэнту Рэспублікі Беларусь А.Р. Лукашэнка былі ўручаны 25 чэрвеня 2015 года.
7 лістапада 2014 г. пасол Беларусі Астроўскі А.П. ўручыў даверчыя граматы Каралеве Даніі Маргрэтэ II і абмеркаваў падчас цырымоніі пытанні стану і перспектыў развіцця двухбаковых адносін.
5-6 лістапада 2014 г. А.П. Астроўскі правёў шэраг рабочых сустрэч у МЗС Даніі.
У снежні таго ж года ў рамках мерапрыемстваў СМЗС АБСЕ ў г. Базелі (Швейцарыя) адбылася сустрэча міністраў замежных спраў Беларусі Макея У.У.и Даніі М.Лідегаарда.
У 2015 годзе пасол Астроўскі А.П. прыняў удзел у Навагоднім прыёме ад імя Каралевы Даніі Маргете II. Міністр замежных спраў Беларусі Макей У.У. павіншаваў свайго калегу з нагоды Нацыянальнага свята.
У лістападзе А.П. Астроўскі ажыццявіў рабочы візіт у Данію. Пасол прыняў удзел у брыфінгу Прэм'ер-міністра Даніі Л.Расмуссена па пытаннях знешняй і ўнутранай палітыкі краіны на сучасным этапе, сустрэўся з Дзяржсакратаром МЗС па міжнароднай палітыцы Л.Вісборгам, а таксама намеснікам Дзяржсакратара Й.Кіслінгам. Правёў сустрэчы з дырэктарамі дэпартаментаў еўрапейскай палітыкі суседства МЗС У.Балслевом і эканамічнага супрацоўніцтва С.Оллінгам.
Абмеркаваны ўвесь комплекс двухбаковых беларуска-дацкіх адносін, а таксама садзейнічанне Даніі ў рэалізацыі ў Беларусі шэрагу праектаў міжнароднай тэхнічнай дапамогі. Пазначаныя пазіцыі бакоў па пытаннях супрацоўніцтва па лініі ЕС і «Усходняга партнёрства», намечаны далейшыя крокі на перспектыву.
Па ініцыятыве дацкай стараны была таксама арганізавана спецыяльная сустрэча паслоў дзяржаў-удзельніц праграмы УП, акрэдытаваных у Капенгагене (Арменія, Беларусь, Грузія, Украіна), для абмену думкамі па пытанні «Рэгіянальная стабільнасць і супрацоўніцтва».
25-26 кастрычніка 2016 г. адбыўся рабочы візіт дэлегацыі Міністэрства замежных спраў Рэспублікі Беларусь на чале з намеснікам Міністра Аленай Купчыной у г. Капенгаген.
Адбылася сустрэча А.Купчыной з Першым намеснікам Міністра замежных спраў Даніі У.Кнудсеном. Бакі абмеркавалі стан і перспектывы развіцця беларуска-дацкіх адносін, а таксама ўзаемадзеянне па лініі Беларусь — ЕС.
У рамках візіту ўпершыню за апошнія шэсць гадоў праведзены кансультацыі паміж знешнепалітычнымі ведамствамі Беларусі і Даніі. Беларускую дэлегацыю ўзначаліла намеснік Міністра замежных спраў А.Купчына, дацкую — намеснік Генеральнага сакратара Міністэрства замежных спраў Даніі Й.Кіслінг.
Разгледжана шырокае кола пытанняў двухбаковага парадку дня ў палітычнай, гандлёва-эканамічнай, гуманітарнай і іншых сферах, супрацоўніцтва ў рамках міжнародных арганізацый, а таксама рэгіянальная праблематыка.
У 2016 годзе міжпарламенцкае ўзаемадзеянне з Даніяй падтрымлівалася ў асноўным у рамках міжнародных парламенцкіх структур — ПА АБСЕ і Міжпарламенцкага саюза. Па лініі Парламенцкай канферэнцыі Балтыйскага мора (ПКБМ) член Еўрапейскага парламента ад Даніі Й.Дорманн ў красавіку наведаў Беларусь у складзе дэлегацыі ПКБМ для ўдзелу ў рабочых сустрэчах ў Нацыянальным сходзе і МЗС Беларусі па пытанню прадастаўлення беларускаму парламенту статусу назіральніка ў ПКБМ.
У красавіку 2017 г. адбылася рабочая паездка ў Данію пасла А.Астроўскага. Праведзена сустрэча з дырэктарам дэпартамента Еўрапейскага суседства МЗС Даніі, паслом У.Балслевом. Разгледжаны ўвесь комплекс пытанняў двухбаковага парадку дня, абмеркаваны напрамкі супрацоўніцтва па лініі Беларусь-ЕС, а таксама ў міжнародных арганізацыях.
11 красавіка 2018 г. у г.Мінску прайшоў чарговы раунд беларуска-дацкіх кансультацый паміж МЗС.
Беларускую дэлегацыю ўзначальваў намеснік міністра замежных спраў Алег Краўчанка, дацкую — намеснік дзяржаўнага сакратара МЗС Даніі Карстэн Гронбех-Енсэн.
Разгледжана шырокае кола пытанняў двухбаковага парадку дня ў палітычнай, гандлёва-эканамічнай, гуманітарнай і іншых сферах, супрацоўніцтва па лініі Беларусь — ЕС і ў рамках міжнародных арганізацый, а таксама рэгіянальная праблематыка.
Удзельнікі мерапрыемства канстатавалі узаемную цікавасць абедзвюх краін да рэалізацыі двухбаковага гандлёва-эканамічнага патэнцыялу, неабходнасць прыцягнення інвестыцый і пашырэння выкарыстання сучасных дацкіх тэхналогій для мадэрнізацыі беларускай эканомікі.
